ភ្នំពេញ៖ គណបក្សភ្លើងទៀន បានចេញសេចក្តីប្រកាសសម្រេចតែងតាំងលោក គង់ មុនីកា ដែលជាអគ្គលេខាធិការង ជាអគ្គលេខាធិការគណបក្សស្តីទីនៃគណបក្សភ្លើងទៀន បន្ទាប់ពីមានការបែកធ្លាយខ្សែអាត់សំឡេងរឿងអាស្រូវរបស់លោក លី សុធារ៉ាយុត្តិ ដែលជាអគ្គលេខាធិការគណបក្សភ្លើងទៀន។
ក្នុងសេចក្តីសម្រេចបានបញ្ជាក់ថា លោក គង់ មុនីកា មានតួនាទី និងភារកិច្ចដឹកនាំគ្រប់គ្រង និងធានាដំណើរការប្រព្រឹត្តិទៅនៃអគ្គលេខាធិការដ្ឋានគណបក្ស ស្របតាមលក្ខនិ្តកៈ និងបទបញ្ជាផ្ទៃក្នុងគណបក្ស។
លោក លី សុធារ៉ាយុត្តិ មានអាត់សំឡេងសន្ទនាតាមទូរសព្ទទាក់ទងស្រីជាច្រើននាក់ ត្រូវបានបែកធ្លាយចែកចាយតាមបណ្តាយសង្គម ដោយខ្សែអាត់សំឡេងនោះលោក លី សុធារ៉ាយុត្តិ បានប្រើពាក្យពេចន៍ដ៏ស្មោគគ្រោកល្មោភកាម ដោយបង្គំឱ្យស្រីស្នេហ៍ថតវីដេអូដើម្បីបំពេញតណ្ហារបស់ខ្លួន៕
ព័ត៌មានជាច្រើនទៀតសម្រាប់អ្នក
